آخر تحديث: ١٩ أكتوبر ٢٠٢٦. هيبة لعبة من سولوشِب (Soloship). هذي الصفحة تشرح وش نجمع ووش نسوي فيه.
وش نجمع
معرّف حساب: رقم عشوائي ننشئه أول ما تفتح اللعبة عشان نحفظ حسابك. لو ربطت حسابك بأبل، نحفظ المعرّف اللي ترسله أبل للتطبيق بس، مو بريدك ولا اسمك.
بيانات اللعبة: اسمك داخل اللعبة، صورتك الرمزية، عصابتك، وتقدمك (الرتبة والفلوس الافتراضية والإحصائيات).
الرسائل: دردشة الساحة والعصابة والخاص تنحفظ ٧ أيام عشان البلاغات والمراجعة، وبعدها تنحذف لحالها.
المشتريات: لما تشتري جواهر نحفظ نوع الباقة ورقم العملية من أبل عشان نوصلها لحسابك. ما يوصلنا أي شي عن بطاقتك أو طريقة دفعك.
الإحصائيات: كيف تستخدم اللعبة (الشاشات اللي تفتحها والأحداث مثل السرقات والمشتريات)، والدولة التقريبية من عنوان الإنترنت. نستخدمها عشان نحسّن اللعبة، وما نبيعها.
بيانات تقنية: رقم إصدار التطبيق، وقت آخر دخول، ومعرّف الإشعارات لو سمحت بها.
وش ما نجمع
ما نجمع موقعك الدقيق، ولا جهات اتصالك، ولا صورك، ولا رقم جوالك.
ما نستخدم إعلانات ولا نتتبعك في تطبيقات أو مواقع ثانية، وما نبيع بياناتك لأحد.
مين يشوف بياناتك
نستخدم هذي الخدمات عشان تشتغل اللعبة، وكل وحدة تاخذ بس اللي تحتاجه:
Railway: يستضيف الخادم.
MongoDB Atlas: قاعدة البيانات.
Apple و RevenueCat: الشراء داخل التطبيق والإشعارات والدخول بأبل.
PostHog: الإحصائيات.
OpenAI: يكتب نص «جريدة هيبة» اليومية من أحداث اللعبة، وفيها أسماء اللاعبين داخل اللعبة بس.
Resend: يرسل لنا رسائل «تواصل معنا» بالبريد.
اللي يشوفونه اللاعبين
اسمك وصورتك ورتبتك وعصابتك وإحصائياتك تطلع للاعبين الثانيين بالملفات واللوحات والجريدة، لأنها جزء من اللعبة.
العمر
اللعبة فيها جريمة وعنف خيالي ودردشة مفتوحة، ومخصصة لعمر ١٧ سنة فما فوق.
حذف بياناتك
تقدر تحذف حسابك وكل بياناتك من داخل اللعبة: الإعدادات، ثم «حذف الحساب». ينحذف فوراً. أو راسلنا على admin@soloship.sa ونحذفه خلال ٣٠ يوم. سجل المشتريات ينحفظ بدون اسمك للمحاسبة.